હું જરા બદલી ગયો છું આપ માનો કે ન માનો.
વાત એકજ કહી રહ્યો છું આપ માનો કે ન માનો.
હા રમતવાતે તમે તો જે હતું માગી લીધું' તું.
એટલે સુખ દઈ રહ્યો છું આપ માનો કે ન માનો.
હા તમારી બેઉ આંખો ચૂમવા આતુર તેથી-
અશ્રુરુપે વહી રહ્યો છું આપ માનો કે ન માનો.
છે કદમ ને પીઠ બંને એ તરફ જ્યાં આપ ઉભાં.
લાગશે કે જઈ રહ્યો છું આપ માનો કે ન માનો.
વાયદો મેં પાનખરને પ્રેમનો' રશ્મિ' કર્યૉ' તો.
પુષ્પ કાંટા લઈ રહ્યો છું આપ માનો કે ન માનો.
- ડૉ.રમેશ ભટ્ટ' રશ્મિ'.
No comments:
Post a Comment