જિંદગીમાં
આવે ભલે હજારો પડકાર જિંદગીમાં.
ભીતર ભર્યો અમારી લલકાર જિંદગીમાં.
છો આવતી ભલેને આફત ઘણી વધારે,
કરશું બધાં એ શમણાં સાકાર જિંદગીમાં.
જીવન તણી ગઝલમાં લય તાલ સૂર સંગે,
ભરશું અમે અનોખો રણકાર જિંદગીમાં.
ભારત તણી ધરાએ માબાપને નમન છે,
સીંચ્યાં ઘણાં અનોખા સંસ્કાર જિંદગીમાં.
આવી મળ્યાં તમે જ્યાં પામી ગયો મજાનો,
એ લાગણી તણો ત્યાં ધબકાર જિંદગીમાં.
ગીતા ઠક્કર"ગીત"
No comments:
Post a Comment